حصرياً لمنتدى جوري مول ,, لأخواتي العزيزات على قلبي ,,,

السلام عليكم ورحمة الله وبركاته

لعيونكم جايبه أفضل عجينة فطاير

أنا بصراحة أستخدمها لجميع أنواع المعجنات

.
.
.
ما أطول عليكم

في الخلاط تحطين المقادير السائلة كلها
اللي هي :

2 كأس ماء دافي
بياض بيضتين والصفار شيليه بنمسح فيه وجه الفطائر
نصف كأس زيت
3 م . ك حليب بودرة
فنجان قهوة " سكر"
م . ك ملح
م . ك خميرة

تخلطينها مع بعض زين وبعدين

تحطين 5 كاسات دقيق أبيض ويفضل الدقيق الكويتي
في سلطانية بلاستيك "اللي نعجن فيها"

أضيفي الخليط الأول للدقيق وأعجني لحد ما تزبط معاك العجينة
غطيها وأتركيها عشر دقايق أو ربع ساعة بعدين استخدميها
لا تخليها تزيد عن كذا لأنها ما تحتاج تخمر كثير

والله ابداااع هالعجينة أنا ما استخدم غيرها
الله يذكر صاحبتها بالخير
كل ما صلحتوها اذكروني أنا وصاحبة العجينة بدعوة حلوة ,,,,

يسلمو ان شاء اللة اجربها

يعطيكي العافيه انا بعد اخذتها من وحده الله يوفقها وتجنن العجينه للبيتزا بعد